Social Science Class 10 SEBA Question Answer – Chapter 1 History

প্র: স্বদেশী আন্দোলন দুর্বল কৰাৰ বাবে বৃটিছ চৰকাৰে কি কি কর্মপন্থা লৈছিল? আন্দোলনৰ নেতাসকলৰ পৰা চৰকাৰে সঁহাৰি লাভ কৰিছিল নে?
উঃ স্বদেশী আন্দোলনে গােটেই ভাৰতবৰ্ষত গুৰুতৰ ৰূপ ধাৰণ কৰিছিল। সেয়েহে বৃটিছ চৰকাৰে এই আন্দোলন দমন কৰাৰ বাবে বিভিন্ন কর্মপন্থা লৈছিল। তলত এই বিষয়ে উল্লেখ কৰা হ’ল।

(১) লর্ড কার্জনে উদাৰপন্থী কংগ্ৰেছ নেতাসকলক হাতৰ মুঠিত ৰখাৰ উদ্দেশ্যে তেওঁলােকৰ বহুতকে ব্রিটিছ চৰকাৰ আৰােপিত উপাধি, পদ আৰু পদক প্রদান কৰিছিল ইয়াৰােপৰি উদাৰপন্থী কংগ্ৰেছ সদস্যক উচ্চ ন্যায়ালয়ৰ বিচাৰ পতিৰ পদ, বৃটিছ সংসদ সদস্য পদ, ভাইচৰয়ৰ পৰিষদৰ সদস্য পদ যাচি বংগ ভংগ পৰিকল্পনাত তেওঁলােকৰ সমর্থন আশা কৰিছিল।

(২) বৃটিছ চৰকাৰে আন্দোলনটো মষিমূৰ কৰিবলৈ ছাত্র ছাত্ৰীসকলক শাৰীৰিক শাস্তি বিহাৰ লগতে ৰাজহুৱা সভা সমিতি বে-আইনী ঘােষণা কৰিছিল। তাৰােপৰি বংগদেশৰ পৰা প্ৰকাশিত ভালেমান আলােচনী আৰু আললাচনীৰ ওপৰত নিষেধাজ্ঞা জাপি দিয়া হৈছিল।
আন্দোলনৰ নেতাসকলৰ পৰা চৰকাৰে সঁহাৰি লাভ কৰা নাছিল।

প্রঃ স্বদেশী আন্দোলনৰ তিনিটা অৱদানৰ বিষয়ে আলােচনা কৰা?
উঃ (১) স্বদেশী আন্দোলনে ভাৰতবাসীক গণ-আন্দোলন সম্পর্কে এটা ৰাজনৈতিক শিক্ষা দি যাবলৈ সক্ষম হৈছিল। দেশৰ বেছিভাগ মানুহেই আন্দোলনত সমবেত হলে যে গণ-আন্দোলনত জয়যুক্ত হােৱাটো সুনিশ্চিত, সেই কথা ভাৰতীয়সকলে স্বদেশী আন্দোলনৰ যােগেদি আয়ত্ব কৰিব পাৰিছিল।

(২) ভাৰতীয় জাতীয় কংগ্ৰেছে আৰম্ভণিৰে পৰা আবেদন নিবেদনৰ মাজেৰে সহনশীল চিন্তাত বিশ্বাস ৰাখি বৃটিছ চৰকাৰৰ ওপৰত ভাৰতীয়ৰ উন্নতি আশা কৰিছিল। বংগ ভংগক কেন্দ্ৰ কৰি জাতীয় কংগ্ৰেছৰ চিন্তা কৰ্মত পৰিৱৰ্তনৰ সূচনা হৈছিল। একমাত্র গণ-সংগ্ৰামৰ যােগেদিহে উন্নতি সম্ভৱ’– এই ভাৱনা স্বদেশী আন্দোলনে জাতীয় কংগ্ৰেছক প্রদান কৰিছিল

(৩) স্বদেশী আন্দোলনৰ মাজেৰে ভাৰতবৰ্ষত সশস্ত্র বিপ্লৱৰ সূচনা হৈছিল। আগ্নেয়াস্ত্ৰৰে বিপ্লৱৰ পথ অনুসৰণ কৰি দেশ স্বাধীন কৰাৰ প্রৱণতা এচাম আন্দোলনকাৰীৰ মাজত গঢ়ি উঠিছিল।

Also Check: Class 10 Assamese